【Working Mum養生首選】無痛刮痧～超Relax～

平時又返工又要照顧小朋友，作為一位working mom，就係長時間都好攰， 再加上平時返工坐喺office日日對住電腦，攪到我長時間頸緊膞痛， 有時仲會痛到訓得唔好，影響睡眠質素！ 所以好開心上星期去左 Inzpire 經絡塑形專門店體驗「經絡深層刮痧排毒護理」， 呢個幫我排毒去濕、舒緩疲勞，做完真係一身鬆晒啊!! ^^

我去左銅鑼灣分店，地方夠大夠乾淨， 除左有好充足的防疫設備外，仲先幫我量血壓，確保我適合進行療程。 因為刮痧後出痧既位置同顏色都可以反映到身體臟腑功能既狀況， 所以療程前後，理療師會為我講解身體經絡結構， 分析我身體既問題，比左好多養生既建議我，好似上左一堂經絡養生堂咁, 真係好細心呢 ^^

每次做護理都會在獨立房間進行，換好衫我亦準備好開始療程了...有點點興奮呢..嘻嘻

Inzpire 「經絡深層刮痧排毒護理」 首先理療師會幫我人按摩～原因係要先打開穴道，之後做刮痧既功效就會更顯著～ 理療師手法好好，按穴位按得好準確，唔單止唔痛仲好舒服～放鬆繃緊肌肉、通通我瘀塞既淋巴~超relax～

之後就係重頸戲刮痧啦～我以前都做過傳統刮痧，使用牛角、砭石等工具，真係刮到好痛， 而傳統拔罐，溫度控制唔好仲好容易灼傷皮膚添！ Inzpire 所用既係專利經絡深層養生儀，同傳統既刮痧相比就舒服得多， 養生儀唔單止有溫熱功能，仲係無痛刮痧！ 做個陣背脊唔太痛，但竟然都出哂痧！好神奇！ 同傳統刮痧相比，養生儀刮痧更快出痧，做到比拔罐更深層既排毒去濕功效。

最後會用深層經絡穴位電導黎按摩肩頸，因為平時成日低頭做野，肩膀係特別硬， 電導按摩可以深層刺激經絡，通通我塞哂既淋巴，促進血液循環、放鬆疲勞既肩膀。 成個過程會有d吸啜感覺，少少酸軟但唔會痛，做完我覺得賻頭同條腰都無咁痛，有鬆左既感覺～

做完經絡深層刮痧排毒護理做完之後見到我背上好多瘀紅色既痧， 理療師解釋返原來背脊唔同位置都代表身體臟腑不同問題。其實做完之後feel到成個人真係鬆左好多， 膊頭痛同腰痛既情況都改善左，當晚訓覺係超好訓。 雖然working mom係好忙，但我覺得都要照顧好自己先有能力照顧小朋友，做下刮痧排毒都係調理身體的一部份呢。

Inzpire 經絡深層刮痧排毒護理